Lagunarte beroan entzuten ditugun doinuen kreatzaileak dira Skabidean taldeko kideak. Hamar urte baino gehiago daramatzate oholtzaz oholtza “Hilarria”, “Betirako”, edo “Ilusioen Deiadarra” erreserki mitikoak jotzen. Tafallan hamaika alditan izan badira ere, berriz gurean izango dira jaietan, txosnetan, astelehenean.

Ba, ba. Noiz eta nola sortu zenuten Skabidean taldea?

Institutoan sortu genuen 2012. urtean, taldekide gehienak Iturrama institutoan ikasten baigenuen. Orduan pila bat kontzertu egiten genituen Eguberritan edo inauterietan. Hori ikusita, gure berezko taldea osatzea erabaki genuen hainbat klasekideen artean; batek guitarra jo, beste bati baxua eman genion jotzen ikas zezan… Horrela hasi zen dena.