“Zaharrak berri, egin herri!” lelopean aurkeztu duzue aurtengo kartela. Bada berritasunik programazioan?

Bai, hori da gure aurtengo leloa, eta horrekin taldean belaunaldi-aldaketa bat eman dela azpimarratu nahi dugu. Jende gaztea sartzen ari da, eta nagusiagoak ziren horiek taldea uzten ari dira gazteagoak direnei espazioa uzteko, baita proiektuari bultzada bat emateko ere.

Programazioari dagokionean, orokorrean aurreko urteetan jarraitu izan den logika bera jarraitu izan dugu aurten ere, hau da, zonaldeko taldeak ekarri, talde txikiak eta nolabaiteko konpromezu politikoa dutenak. Txosnak ez dira makrokontzertuetarako espazioa, tokian-tokiko taldeentzako baizik.