Sinesteko zaila bada ere, badira atlantikoaren beste aldean euskara irakasten eta sustatzen duten elkarte nahiz gizataldeak. Baliteke mendeetan zehar izandako euskal diaspora kausa izatea, edo gure hizkuntza naiz kulturaren bitxitasuna akaso. Hala azaltzen du Ariane Etxenikek Chicagon bere euskara ikasleak izango direnen gure hizkuntzarekiko duten atxikimendua. Jarraian irakurgai duzue Arianeri eginiko elkarrizketa:

Nor zara zu, Ariane?

Ni Ariane Etxenike naiz, 23 urteko neska tafallarra. Txikitatik hizkuntzazale amorratua eta egun Tafallako Ikastolako euskara eta gizarte irakaslea. Eta bueno, jakina duzue datorren ikasturtean Chicagoko Unibertsitatean egonen naizela euskara klaseak ematen.